مەنتیقەو فرۆگنیری ئۆسلۆی پایتەختوو نەرویجینە بۆنەو ساڵوەگەڕو ٢٥ ساڵەو ئەرەمەرزناو کۆنگرەو نەتەوەو کوردسانی (کەنەکە)ی مەراسیمێوە پێشوازیکەردەی لوواڕاوە.
خێراماکەی جە تەرەفوو نوێنەرو کەنەکەیۆ جە نەرویج ڕێکوزیا. ژمارێوە فرە جە کوردسانیا و دۆسا کوردی ئاماڎۍ مەراسیمەکەی بێنۍ.
سەرەتاو مەراسیمەکەی بە دەیەقێوە ڕێزگێرتەی جە گەشمەرڎا ئازاڎیی دەسشپنەکەرد. دماتەر واچەو دەسپنەکەردەی پێشکەشکریا. نوێنەروو کەنەکەی نەرویژ سەعید سەنەندەجی خێرئامای گرڎ لێوەش کەرد و بە پوختی باسش جە کار و خەبات و کەنەکەی کەرد.
دماتەر جە بارەو کار و خەباتوو کەنەکەیۆ بەڵگە فیلمێوە نمایشکریا.
دماو ۋەنایۆ و پەیام و پیرۆزباییەکا پارت و لایەنە سیاسیە کوردسانییەکا پەی یاڎوو ئەرەمەرزناو کەنەکەی، مەراسیمەکە بە گۆرانییەکاو هونەرمەنڎ تیرێژ ئورمیەی و وڵات کۆبانێوە دمایش پنە ئاما.
